Benvid@ á Asociación Cultural e Social de Chapela!

Queremos amosarte neste espazo toda a información relativa á Asociación e á Escola de Música, as súas actividades e as dos grupos e a banda de música que xorden no seu seo.

Pero toda esta labor cultural e social non se podería dar feito sen as aportacións dos Socios e Entidades Colaboradoras, polo que aproveitamos tamén este espazo para agradecervos a vosa colaboración.

Próximas actividades ou cursos

Cocina Adultos
2022-2023
Preinscripción aberta
Bailes de Salón e latinos
2022-2023
Preinscripción aberta

Últimas novas

Diario de Pontevedra - A cultura vive en Chapela

Na parroquia de Chapela, en Redondela, a cultura e as tradicións galegas atópanse en bo estado grazas ás agrupacións Fonte do Ouro e Os Xuveniles. A primeira, dirixida por Santiago Almunia, é un conxunto de baile folclórico que viaxa por toda Galicia e Portugal exportando o folclore de Galicia. A segunda, a cargo do mestre Abraham Fernández, é un grupo de gaitas que o acompaña nas súas viaxes, ademais de contar coas súas propias actuacións. Xunto a diversos cursos e actividades, compoñen a oferta cultural da Asociación Cultural e Social de Chapela.

O CONSELLO PARRROPQUIAL DE CHAPELA APROBA POR UNANIMIDADE QUE SE REALICE UN CONVENIO ENTRE O CONCELLO DE REDONDELA E A ASOCIACIÓN CULTURAL e SOCIAL DE CHAPELA SOBRE O USO E A EXPLOTACIÓN DAS NOVAS INSTALACIÓNS DA ESCOLA DE MÚSICA

Con data 6 de Febreiro do 2012 e según consta na acta do Consello parroquial de chapela na súa xuntanza ordinaria de ese mesmo día, reunidos os seguintes integrantes:

Diario de Pontevedra - Semente Nova de Chapela

Co obxectivo de recuperar as tradicións de Chapela, a Asociación Cultural e Social desta localidade redondelana creou en 1994 unha escola de pandeireteiras, da que naceu o grupo Semente Nova. Este colectivo conta na actualidade con 25 persoas que interpretan e recollen as antigas cantigas que compoñían a banda sonora da localidade noutro tempo, á vez que rescatan do esquecemento os traxes tradicionais e os distintos obxectos que se utilizaban a modo de instrumentos musicais para acompañar as voces e o ritmo das pandeiretas.

As mellores notas de Chapela

Ten a frescura e a ilusión propias dos 15 anos e o palmarés dunha agrupación veterana. E é que desde que se presentou ó público, no ano 1995,a Banda de Música de Chapela non deixou de recibir premios e aplausos. A escola de música foi o primeiro paso para que esta parroquia redondelana puidera ter, por primeira vez na súa historia, unha banda. A mesma escola, na que actualmente se forman 30 nenos, é hoxe en día a garantía de que os ventos bandísticos soarán en Chapela por moito tempo.

Páxinas